Svona vinnur Hvalreki

Ferlið

Fjögur skref, alltaf sama leiðin

Öll verkefni, hvort sem það er heil vefsíða eða ein auglýsing, fara í gegnum sama ferli. Þannig verður allt samræmt og ekkert týnist.

Verkaskiptingin er skýr: hugmyndirnar og hönnunin eru handverk og þar er fólk að verki. Snjöll tækni er svo notuð í það sem áður át tímann, samantektir á gögnum, utanumhald, stærðir og skýrslur. Þannig nýtist tíminn sem þú kaupir betur: stærri hluti hans fer í sköpunina. Uppsetning og umhirða kerfisins er svo hluti af þjónustunni, það heldur sér ekki sjálft.

Vörumerkið þitt

Merki, litir, letur og raddblær eru skjalfest á einum stað. Þetta er heimildin sem allt annað byggir á.

Hönnun

Vefur, kynningar og auglýsingar eru hönnuð út frá vörumerkinu. Þú samþykkir aðalútgáfuna, og þá fyrst tekur kerfið við og klárar allar stærðir, útfærslur og frágang.

Birting

Vefurinn fer í loftið á þínu léni. Auglýsingar fara á Google, Meta og í íslenska miðla, allar merktar svo hægt sé að mæla þær.

Mælingar og skýrslur

Umferð og árangur er mældur frá fyrsta degi. Þú færð skýrslu á mannamáli, sömu skýrsluna í hverjum mánuði.

Hvar býr hvað

Hver kúnni fær sitt eigið sett af kerfum. Ekkert af þessu er falið, hér er hvað hvert þeirra gerir.

Vefurinn

Lén, hýsing og kóði

Vefurinn þinn er birtur á þínu eigin léni. Kóðinn er geymdur í öruggri útgáfustýringu (GitHub) þar sem hver einasta breyting er skráð og hægt er að fara til baka. Hýsingin er hraðvirk og örugg.

Google

Mælingar og leit

Google Analytics mælir umferð á vefinn. Search Console fylgist með því hvernig vefurinn birtist í leitarniðurstöðum. Ef keyptar eru Google auglýsingar tengjast þær beint við mælingarnar.

Facebook og Instagram

Auglýsingar og efni á Facebook og Instagram fara í gegnum Meta Business Manager. Fyrirtækið þitt á sinn eigin aðgang, Hvalreki fær vinnuaðgang í gegnum hann.

Vörumerkið

Brand portall

Vörumerkið þitt fær sína eigin vefsíðu með merkjum, litum, letri og reglum. Alltaf uppfærð, alltaf aðgengileg, fyrir þig og alla sem vinna með vörumerkið.

Tæknin

Af hverju ekki WordPress?

Flestir vefir eru byggðir á vefumsjónarkerfum eins og WordPress: gagnagrunnur, innskráningarsíða og tugir viðbóta frá óskyldum aðilum. Það hentar sumum verkefnum, en hver viðbót er hurð sem þarf að vakta og uppfæra, og langflest innbrot á minni vefi gerast einmitt í gegnum úreltar viðbætur.

Vefir Hvalreka eru byggðir öðruvísi. Síðan er fullbúin fyrirfram og afhent vafranum sem hreinar vefskrár. Á vefþjóninum er engin innskráningarsíða, enginn gagnagrunnur og engar viðbætur. Það sem er ekki til verður ekki hakkað.

Þáttur	Dæmigerður WordPress vefur	Hvalreki vefur
Innskráning á vefþjóni	Já, aðgengileg öllum á netinu	Engin
Viðbætur frá þriðja aðila	Oft 20 til 40, hver með sína áhættu	Engar
Gagnagrunnur á bak við síðuna	Já, þarf að verja og afrita	Enginn
Öryggisuppfærslur	Vikulega, geta brotið vefinn	Engar nauðsynlegar
Hraði	Síðan reiknuð í hverri heimsókn	Tilbúin fyrirfram, birtist strax
Flutningur til annars aðila	Kerfi, leyfi og viðbætur fylgja með	Ein mappa af vefskrám

Þurfi vefurinn breytanlegt efni, til dæmis fréttir, matseðil eða opnunartíma, er bætt við litlu læstu stjórnborði fyrir nákvæmlega það. Ein lítil hurð með lykli, í stað þess að allur vefurinn standi opinn í stjórnkerfi.

Hraðinn borgar sig líka beint: Google verðlaunar hraða vefi í leitarniðurstöðum og notendur haldast lengur á síðu sem birtist strax.

Ekkert á netinu er fullkomlega öruggt. En með þessari nálgun er árásarflöturinn eins lítill og hann getur orðið, og hver einasta breyting á vefnum er skráð og afturkræf.

Hver stjórnar hverju

Grunnreglan er einföld: þú átt aðgangana, Hvalreki vinnur í gegnum þá. Aðgangar eru stofnaðir í nafni fyrirtækisins þíns þar sem því verður við komið, ekki í nafni Hvalreka.

Þáttur	Eigandi	Daglegur rekstur
Lén	Þú	Hvalreki sér um tæknistillingar
Vefur og kóði	Þú	Hvalreki uppfærir og viðheldur
Google Analytics	Þú	Hvalreki les og vinnur skýrslur
Meta Business	Þú	Hvalreki birtir og stýrir herferðum
Vörumerki og efni	Þú	Hvalreki hannar og skjalfestir

Viltu stjórna einhverju sjálf eða sjálfur? Ekkert mál. Þú færð þá admin hlekk eða aðgang að viðkomandi kerfi, til dæmis til að breyta texta á síðu, setja inn fréttir eða skoða mælingar í rauntíma. Segðu bara til.

Þú sérð alltaf hvað er í gangi

Í hverjum mánuði færðu skýrslu, alltaf eins upp byggða, á íslensku og á mannamáli. Engin tæknihugtök án skýringa og aldrei giskað í eyður.

Lykiltölur: heimsóknir, hvaðan fólk kemur og hvað það gerir á vefnum
Auglýsingar: hvað var birt, hvað það kostaði og hverju það skilaði
Unnið í mánuðinum: hvað var afhent og hvað er í vinnslu
Tillögur að næstu skrefum: hvað er skynsamlegt að gera næst og af hverju

Hvernig er passað upp á þetta

Vefurinn er byggður án innskráningar, gagnagrunns og viðbóta, minnsti mögulegi árásarflötur
Aðgangar eru í þínu nafni, ekki geymdir sem sameiginleg lykilorð
Lykilorð eru aldrei geymd í skjölum eða tölvupósti
Tveggja þátta auðkenning er notuð á öllum kerfum sem bjóða hana
Öll samskipti við vefinn eru dulkóðuð með sjálfvirku SSL skírteini, lásinn í vafranum er alltaf á
Mælingar eru nafnlaus tölfræði, kökuborði er settur upp þar sem þarf og engin persónugögn eru seld eða deilt
Hver breyting á vefnum er skráð og hægt að afturkalla hana. Komi eitthvað upp á er síðasta virka útgáfa endurbirt á nokkrum mínútum
Afrit af öllu afhentu efni eru geymd, dagsett og merkt

Ef leiðir skilja

Þú átt allt þitt efni, alltaf

Vonandi verður samstarfið langt og gott. En ef því lýkur, af hvaða ástæðu sem er, þá er ferlið skýrt og þú situr aldrei fastur.

Afhendingarmappa: öll merki sem vektorar, litir og letur, allar frumskrár og allt efni sem hefur verið framleitt
Vefkóðinn þinn: venjulegar vefskrár, ekki læst kerfi. Hver vefari getur opnað möppuna og haldið áfram samdægurs. Engin leyfi, engar áskriftir og ekkert vefumsjónarkerfi fylgir með í flutningnum
Aðgangar: vinnuaðgangar Hvalreka eru fjarlægðir og þú staðfestir að þú hafir fulla stjórn
Uppskriftin: skjalfestar reglur vörumerkisins fylgja með, svo næsti aðili getur haldið áfram þar sem frá var horfið
Skýrslusafnið: allar skýrslur og gögn sem tilheyra þér fylgja með

Engin gíslataka. Lénið, vefurinn, vörumerkið og gögnin eru þín eign frá fyrsta degi.